Трета турнирска победа во двојки за Марковски

Македонскиот тенисер Обрад Марковски заедно со Марко Милосављевиќ од Србија триумфираа во конкуренција на двојки на турнирот ИТФ 15 Куршумлијска Бања. За Марковски ова е трето финале оваа година, а второ на кое завршува како победник, откако претходно со Горазд Србљак победи на фјучрс турнирот во Скопје.

Во првите две кола Марковски и Милосављевиќ беа поуспешни од тенисери од Италија. Во првата рунда ги победија Леандро Катанео и Матиас Пиасну со 2-0 во сетови (63 61), а во втората рунда ги победија Себастијано Кокола и Лоренцо Комино (трети носители) со 2-0 во сетови (75 62).

Во полуфиналето успеаја да ги победата холандските тенисери Џулиус Булт и Елгин Коблал со 2-0 во сетови (63 64).

Во финалето Марковски и Милосављевиќ ги совладаа вторите носители Никита Белозерцев (Узбекистан) и Иван Грецки (Русија) со 2-0 во сетови (75 62).

Претходното годинава Марковски играше финале во Куршумлијска Бања со Никола Јовиќ од Србија, а првата турнирска победа во двојки ја имаше во 2024 година со Стефан Латиновиќ во Куршумлијска Бања.