Одличен старт и сигурна победа на Ѓорческа на Австралија опен

Најдобрата македонска тенисерка со триумф ги почна квалификациите за Австралија опен. Таа во првата рунда ја елиминираше четвртата носителка Синја Краус од Австрија со 2-0 во сетови (75 60) за 62 минути. Следна противничка и е Тамара Зиданшек од Словенија, која со 2-0 ја победи Французинката Џесика Понше.

Ѓорческа и Краус на почетокот од мечот водеа неизвесна борба, а првиот брејк го направи австриската тенисерка (104 на ВТА ранг-листата) и потоа стигна до предност од 4:2 во гемови. Во деветтиот гем Ѓорческа спаси две сет топки и намали на 5:4, а во следните три гема на противничката и препушти само два поена.

Во вториот сет македонската тенисерка ја продолжи серијата со освојување гемови и со претходните три стигна до десет гемови во низа откако вториот сет го освои без загубен гем.