Со денешните финални мечеви во двете конкуренции заврши Државното првенство во тенис. Нови шампиони станаа Александра Симева и Шендрит Деари. За Симева ова е четврта шампионска титула, а го играше своето петто финале, додека Деари во своето седмо финале ја освои втората шампионска титула.
Неизвесност резултатска имаше во машкото финале во Дејвис куп репрезентативецот на Македонија, Деари со 2-1 во сетови го совлада Стефан Мицов, Деари го доби првиот сет со 6:1 во гемови, а Мицов со истиот скор го доби вториот сет и мечот се решаваше во третиот сет, кој му припадна на Деари со 6:4. Со оваа победа во финалето Деари го изедначи скорот на 2-2 против Мицов во финалните мечеви за титулата државен првак.
Во женското финале Симева со 2-0 во сетови (62 76(0)) ја победи Ана Митевска. Нешто поискусната Симева го доби првиот сет со 6:2 во гемови, а во вториот се решаваше во тај брејкот, кој Симева го доби без загубен поен.
Во конкуренција на машки двојки шампиони станаа Берк Бугариќ и Елдин Хусеиновиќ, откако финалето го добија без одигрување на мечот, а финалисти беа: Иван Манасов и Елведин Пепиќ.
2024 – финале жени: А.Митевска – А.Симева (шампионка)
2024 – финале мажи: С.Мицов – Ш.Деари (шампион)
2024 – финалисти ДП мажи + жени и А.Ивановски (претседател на федерација)