Првиот носител на годинашново издание на Macedonian Open 2024 Чун Сен од Тајпех загуби од шпанскиот тенисер Николас Алварез Варона (фотографија) со 2-0 во сетови (62 64). Ова воедно е првото изненадување на мечевите од главниот турнир. Турнирот заврши и за осмиот носител Готие Онцлин од Белгија, кој загуби во два сета од Камил Мајчрзак од Полска.
Од носителите денеска на терените на ТК Југ во Градски парк се појавија и петтиот Макс Касниковски од Полска, кој играше маратонски меч со Орландо Луж од Бразил. Мечот беше прекинат во третиот сет при резултат 1-1 во сетови (двата завршени во тај брејк) и во третиот сет при водство од 4:2 во гемови Луж го предаде мечот.
Филип Кристина Жиану од Романија со два сета го совлада Италијанецот Федерико Чина со 2-0 во сетови.
Младиот хрватски тенисер Матеј Додиг го совалда Алексис Готие од Франција со 2-0 во сетови, додека Жерар Кампана Ли од Кореја го совлада Британецот Џеј Кларк со 2-1 во сетови.
Од денешната програма беа одиграни и финалните мечеви од квалификациите, а пласман на главниот турнир изборија: Лука Микрут (Хрватска), Неил Оберлајтнер (Австрија), Рајан Сигеран (САД), Сергеј Фомин (Узбекистан), Јохан Никлес (Швајцарија) и Николоз Басилашвили (Грузија).
ФОТО: ИГОР ПАНЕВСКИ