Шендрит Деари не успеа да го продолжи натпреварувањето на фјучрс турнирот во Нови Сад откако денеска во мечот од првото коло загуби од Србинот Виктор Јовиќ со 2-0 во сетови (61 64). Деари, кој пред десетина дена беше финалист на Државното првенство со трите победи во квалификациите се избори за учество на главниот турнир, но сепак противникот денеска беше подобар.
Првиот сет по водството на Деари од 1:0 во гемови заврши со 6:1 за Јовиќ, кој имаше шест освоени гемови и водство од 1:0 во сетови. Во вториот сет решавачки беа двата први гема и брејкот кој го направи српскиот тенисер (ја продолжи серијата – осум гема во низа) за водство од 2:0. Таа предност од два гема ја имаше до крајот на сетот, кој заврши со 6:4 во гемови.